[A:80a]lugs la sgrub thabs gzhan phan don yod/ dkyil chog gzhan phan rgyas byed/ dbang chog gzhan phan lhun grub ste gzhan phan skor gsum la sogs pa mdzad de/ dpal sa skya'i chos grwa chen po 'di nyid du 'khon ston chen po dkon mchog rgyal po yab sras kyi dus dran gyi mchod 'bul du dpal gsang ba 'dus pa mi bskyod pa dang / 'jam pa'i rdo rje'i sgrub mchod lo re mos kyis 'dzugs par mdzad de/ deng sang gi bar du rgyun ma chad par phyag len rnam par dag pas brgyan te dar rgyas su bzhugs so/ /sngags 'chang bstan pa'i nyi ma chen po nyid kyi drung du kho bo cag gi 'dren pa dam pa khams gsum chos kyi rgyal po rigs ldan 'jam pa'i dbyangs sku mched gnyis kyis 'dus pa mi bskyod pa'i dbang bka' sogs gsang 'dus kyi chos skor phal cher gsan zhing / yab rje sbas pa'i sangs rgyas sngags 'chang grags pa blo gros rgyal mtshan dpal bzang po'i drung du rigs thams cad kyi khyab bdag drug pa rdo rje 'chang dang dbyer ma mchis pa rgyal ba mus pa chen po rdo rje 'chang sangs rgyas rgyal mtshan gyis gsang ba 'dus pa mi bskyod pa'i dbang bka' lan 'ga' gsan zhing / yab rje bka' drin can de nyid kyi drung du slob bu'i tha chung bdag gis rang lo bcu bzhi lon dus dpal gsang ba 'dus pa mi bskyod pa'i dbang bka'/ bka' babs bdun ldan gyi smin byed gyi bdud rtsi legs par thob pa'i skal ba mchog dang ldan par gyur pa lags so/ /yang ngor chen dkon mchog lhun grub kyi drung du mus chen dkon mchog rgya mtshos gsang ba 'dus pa'i chos skor rnams gsan zhing / spyan snga 'jam dbyangs de