[A:79b]zhabs lugs sogs kyi dbang dang / khrid bka' bshad bka' lung bka' thams cad rdzogs par gsan/ yig cha yang 'phags skor la rim lnga'i khrid yig zung 'jug gsal ba'i kha skong dang / ye shes zhabs lugs 'di sa skya pa rang gi yab chos thun mong ma yin pa yin pa la dgongs nas ches cher dar ba'i thugs bzhed kyis 'jam pa'i rdo rje lha bcu dgu'i sgrub thabs kun tu bzang po'i nyi 'od dang / de'i dkyil chog gtor chog mchod 'phreng / sgrub thabs kyi rnam bshad lam bzang gsal ba'i snang ba zhes bya ba rnams mdzad de/ 'dus pa spyi dang / khyad par ye shes zhabs lugs mchog tu dar bar mdzad do/ /kun mkhyen chen po de nyid la 'dus pa'i chos skor nos pa'i slob ma mang du byung yang brgyud 'dzin gyi gtso bo ni sa bcu'i byang chub sems dpa' chen po mus chen 'jam pa'i dbyangs sangs rgyas rin chen dang / paN chen kong ston dbang phyug grub pa sogs te/ rje 'jam dbyangs sangs rgyas rin chen gyi drung du sa lo chen pos 'dus pa mi bskyod pa'i dbang bka' sogs gsan zhing / sa lo thams cad mkhyen pa la rje btsun mkhas pa'i dbang po dkon mchog lhun grub dang / nyan chen grags pa blo gros sogs 'dus pa'i chos skor gsan pa'i slob ma mang du 'phel ba'i nang nas/ rje dkon mchog lhun grub kyi drung du snyigs dus kyi rgyal ba gnyis pa dpal sa skya pa chen po sngags 'chang ngag gi dbang po kun dga' rin chen bkra shis grags pa rgyal mtshan dpal bzang pos 'dus pa'i chos skor sogs zab cing rgya che ba'i chos tshul mtha' yas pa zhig gsan/ 'dus pa 'phags