[A:83b]spre'u lo'i dbyar gnas kyang gnas der mdzad/ lhag par chu pho spre'u lo bre zla ba'i tshes gsum nas bcu gsum gyi bar la khro phu byams chen la rab gnas mdzad cing / rim gyis khro phu nas mnga' ris su phebs/ bya lo'i dbyar gnas pu hrang du mdzad/ shing pho khyi lo kha cher phebs te/ bod du lo bcu gcig bzhugs/ bstan 'gro'i don dpag med mdzad pas mdo sngags gnyis ka'i bstan pa la phan shin tu che/ sa skya paNDi ta kun dga' rgyal mtshan dang / byang rdor gnyis ka bsnyen rdzogs kyi sdom pa dang / shong pa jo gdan dang / seng ge zil gnon la me tog phreng rgyud sogs rgyas par gnang ste/ 'dul ba stod lugs smad lugs gnyis kyi steng du/ 'dul ba'i brgyud pa zur pa zhig kyang spel ba yin la/ de'i nang nas byang rdor gnyis kyis dge 'dun gyi sde so sor btsugs pa ni/ dge 'dun sgang pa dang / tshogs mo che ba ste/ de gnyis las mched pa la bye ma rdzing bu pa dang / chos lung pa zhes grags te de bzhi la jo gdan tshogs sde bzhi zhes deng sang yang grags pa yin no/ /de lta bu'i paN chen de la slob ma mang du byung yang / sa skya paNDi ta kho na sras kyi dam par mdzad pa yin te/ paN chen 'dis bdag nyid chen po la bod rgan po'i 'dres kyis ma bslad pa'i lha rgyan gyi bshad srol las byon pa'i tshad ma'i gzhung lugs kyi gtso bo chos kyi grags pa'i rnam 'grel dang / gzhan yang dus kyi 'khor lo'i dbang sogs zab mo sngags phyogs mang po dang / lhag par gser zho brgya dang / g.yu zho brgya ri ba gcig rnams phul nas ma hA paNDi tas srung ma rnams kyi nang nas thugs gtsigs