[A:84a]su mdzad pa'i gsang sgrub cig yod 'dug pa/ de bdag la cis kyang gnang dgos zhus pas/ 'di lta bu ngas sngar rgya bod du slob ma su la yang ster ma phod pa yin na'ang / khyed sa skya pa chos skyong 'di'i bdag por 'os pa 'dug pas de bzhin byed gsungs/ gzhan yang gdams pa 'di zhu ba byung dogs pas/ rgya skad du bya'o gsungs nas gnang / chos rje pas kyang rgya yig tu bris/ phyis mchod rten khru gang ba gcig gi nang du bcug nas zhabs sdom bsdams nas rten gyi gral na yod pa na/ slob ma bgres po kyai rdo rje zhal lan gsum gzigs pa'i dge slong zla ba rgyal mtshan bya ba lo bdun cu lon pa gcig gis chos skyong gi lung bstan byung nas/ spyad dngos thams cad spangs thag byas nas phul te 'di zhus nas gnang / khong gis bsnyen pa byas pa tsam gyis khong gi zhing la rkun ma byung ba la/ rkun ma lnga zhag gcig la khrag skyugs nas shi ba sogs nus mthu dpag med byung / de lta bu gdams pa de la paN chen gyi zhal nas rang la ci ri ba 'di la ri ba yin/ bod du 'di las zab pa'i chos skyong gi gdams pa yongs myong ba med ces gsungs pas che brjod kyang dpag med mdzad pa yin la/ khyad par dus der gsang ba 'dus pa'i dbang dang rgyud sgrub thabs gdams pa kun cha tshang bar gsan/ de'i tshe lo paN khyad par can kha che paN chen dang / bdag nyid chen po sa paN gnyis kyis klu byang gi dkyil chog nyi shu pa dang / sgra gcan 'dzin dpal bshes gnyen gyis mdzad pa'i dkyil chog zung 'jug gsal ba gnyis gsar du bsgyur/ de phyin chad nas sngar gyi dbang bka' la rnying pa dang /