[A:88b]bur du gshegs pa la brten/ yid la bzod thabs med pa'i zug rngu drag pos kun tu gzir zhing / gang la yang snying po med par rtogs pa'i nges 'byung drag pos tshe 'di blos gtang gi sgrub pa zhig byed 'dod nas/ snga gong zhig rje btsun gyi sku 'dra mdze thod ma'i drung du mchod pa rgya chen dang bcas gsol ba btab nas lung bstan zhus pa la/ 'brel tshad don ldan gyi bla ma rje mus chen nyid dang mjal ba zhig 'ong mi 'ong dang / tshe 'di blos gtang gi sgrub pa zhig byas na bar snang la 'phur nus pa'i grub thob cig 'ong mi 'ong dang / yang tshe 'dir bshad sgrub spel mar byas na bar dor 'bras bu 'grub pa zhig 'ong mi 'ong rnams lung bstan zhus pas/ lung bstan mi bzang ba ma byung zhing / de mthun gyi ma gcig lha sras bsod nams rgyal mo zhing gzhan du gshegs pa'i tshul bstan ma thag pa'i skabs der/ rje nyid kyi drung du lam ston gyi chas rnams phul ba dang bcas zhu yig phul ba'i don 'bras la sngar rje btsun gyi sku brnyan drung du lung bstan zhus pa'i rnam grangs rnams dang / lhag par bka' drin can gyi yum de gang du 'khrungs yod rnams lung bstan gsal kha can zhig dgos tshul zhus pa na/ de'i lan du thugs dam gsung shog 'di bzhin gnang byung ste/ 'jam dbyangs rin po che'i zhabs drung du zhu ba/ sku'i dkyil 'khor mngon par mtho zhing thos bsam sgom gsum la thugs brtson par bzhugs skabs nas/ gsung shog gos gser ma dang bcas gnang ba thugs la btags/ yum rin po che cho 'phrul gyi tshes bco lnga la sku tshe'i tshad rdzogs pa ltar mdzad nas gshegs pa de bya ba kham can byung 'dug lags kyang / 'di ltar skyes pa thams