[A:88a]dam rdzas kyi gnang sbyin dang bcas spyi bor phebs pas bka' drin che lags/ sku phywa btab pas sku tshe ring po yong bar gda'/ thugs sbyong sngon ma gang mdzad pa dga' btab pas mdo mdzad pa dga' bar gda'/ thugs sbyong mdzad gong mi g.yo ba dkar po'i bsnyen pa zhig gnang na dga' ba gda' lags/ thugs dam slob gnyer la sogs pa mdzad na'ang thugs rtse dkon mchog la gtad/ nges 'byung drag po'i sgo nas rgyud bskul/ sems can thams cad kyi don du sangs rgyas thob 'dod kyis bsam pas mdzad dgos te/ rje sa paN gyis/ mdor na chos kyi ci byed som/ /sangs rgyas byed na chos bzhin gyis/ /zhes gsungs/ mus chen sems dpa' chen po'i nyams su len pa'i chos la/ blo snying brang gsum gtad nas/ /sems snang chos su bsres shig /'di phyi bar do gsum du/ /'di yi bslu ba med pas/ /ma nor lam la 'bungs shig /ces gsungs pa sogs mang dag gda' na'ang yi ge mang dogs ma bris la/ mdor na snga mu ltar thugs dam thugs sbyong ral med/ bstan pa dgongs nas mkhyen mkhyen/ zhu yig gzigs rten tshe mdud la rgya mdzes phul/ zhwa mo sogs bdag gi dri phog pas 'bul ma nus zhes gsungs pa 'dug pa mthong ba'i mod la/ rje de nyid la mjal 'dod dang chos thob 'dod kyi blo me 'bar ba la shing bsnan pa ltar je 'phel du gyur pa zhig byung la/ de nas dus ha cang mi ring ba zhig lon pa glang lo cho 'phrul zla ba'i tshes bcu bzhi'i nub/ bdag gi bka' drin can gyi yum de nyid glo