[A:90a]stsol bar mdzad pa yin la/ de'i nang nas rje btsun sa skya pa'i yab chos gsung ngag rin po che lam 'bras bu dang bcas pa'i gdams pa shin tu smin pa cha lag phra mo tshun chad rgyas shing zhib par zhus pas/ rje'i gsung las/ chos bdag po la 'phrod blo bde/ zhes gsungs pa sogs thugs dgyes pa'i gsung du ma 'byon par mdzad cing / lhag par lam 'bras pa yongs la ma grags pa'i brda chig brgyud thun mong ma yin pa sogs mtha' chod par stsal/ gzhan yang sa skya pa'i yab chos kyi nying khu 'khor lo bde mchog lU nag dril gsum nA ro mkha' spyod dang bcas pa'i dbang byin rlabs bskyed rdzogs kyi khrid zab mo man ngag phra mo tshun/ de'i rgyab rten rgyud dang rgya bod kyi gzhung du ma'i bshad lung sogs bum pa gang byo'i tshul du gnang zhing / khyad par du yang rje nyid dgung lo bdun cu don drug bzhes shing kho bo cag rang lo nyer gcig lon pa'i sbrul lo nag pa zla ba la gling dga' bde ba can gyi yang dben bsam gtan phu'i gnas mchog de nyid du dpal gsang ba 'dus pa'i chos skor rnams stsal ba yin te/ de yang bdag gi bla ma rje btsun dam pa byang chub kyi sems rdo rje de nyid kyi sku mthong ba tsam dang / tshul khrims kyi dri bsung tshor ma thag sku drung de nyid du blo lhing phebs shing / tha mal gyi rtog pa rags pa rnams rang 'gags su khrig 'gro zhing / zhal gyi dkyil 'khor kho na blta ba las yid gzhan du mi 'phro ba dang / thugs lhag bsam rnam par dag cing ting nge 'dzin bzang po'i rgyun la chos gsungs pa'i tshe yang skabs skabs su yug