[A:90b]re 'byams 'gro ba dang bstun nas gsung las/ mdo rgyud bstan bcos rnams las de bzhin du 'byung bas/ de bzhin du bsgoms na/ srid pa hrul por 'jig pa la tshegs med/ ces nyams ldan gyi tshig 'ga' gsungs pa'i tshe/ de ma thag chos dang bla ma la nges shes khyad par can dbang med du skye ba dang / gsung rab la sbyangs pa med pa'i skye bo phal pa zhig yin kyang / zhal mthong zhing gsung thos pa tsam gyis sems rnal du phebs cing mi lus thengs gcig tsam thob pa 'di don dang ldan pa byas so snyam pa'i dga' spro khyad par can bskyed pa dang / bdag rang gi bsam pa la yang bla ma sangs rgyas mi gzugs can 'di 'dra ba'i drung du rgyud sde'i nges gsang sa skya pa'i yab chos lhad med 'di lta bu thos shing nyams su len pa'i skal ba 'di 'dra ba a re dga' snyam pa'i dad pa dang / spro ba rang shugs kyis skye ba dang bcas rjes su bla ma thams cad mkhyen pa bka' drin can de nyid bdag cag slob ma rnams kyi dbus der sku mdzes shing zil che la bag bro ba de drang por bsrangs nas/ zhal dkyil zla ba rgyas pa 'dra ba'i utpal lta bu'i spyan gnyis kyis slob bu'i tshogs la dal bus gzigs shing / dpal gyi mgul nas 'phrul gyi ljags bskyangs te/ dpal gsang ba 'dus pa nyid la sku tshe hril po sbyangs pa ltar lugs 'di'i rgyas bshad don bsdu dka' gnas kyi bshad pa sogs gang mdzad kyang de kho na la sbyangs pa ltar dpyod ldan kun gyi rna bar snyan cing snying la 'bab pa'i gsung ha cang dal ba dang / brel ba'i rkyen spangs pa'i