[A:91b]zhing / phyi ma ni klu byang gis mdzad pa'i cho ga nyi shu pa dang / sgra gcan 'dzin dpal bshes gnyen gyis mdzad pa'i zung 'jug gsal ba kha che paN chen dang chos rje sa paN gnyis kyis gsar du bsgyur ba la brten pa yin pas so/ /srol 'byed kyang snga phyi so so ba yin te/ snga ma ni 'gos lo chen po de nyid kyi bka' drin las byung ba yin la/ phyi ma ni 'gos lo la ma ltos par kha che'i paNDi ta chen po ma byon sangs rgyas gsum pa shAkya shrI bha dra dang / kha ba can gyi bstan pa'i sgron me chen po 'dzam gling mkhas pa kun gyi gtsug rgyan dam pa mkhyen rab kyi dbang phyug sa skya paNDi ta kun dga' rgyal mtshan bzang po gnyis kyi bka' drin las yongs su dar ba yin pas so/ /des na de gnyis skur byed kyi cho ga mi 'dra ba'i khyad par ni lugs phyi ma 'dir 'jug pa'i skabs su lha ngo bstan pa'i rjes nyid du dkyil 'khor dang lha'i rnam dag ston pa bshad cing phyag len la yang mdzad/ dbang dngos gzhir sbyang ba rnams phal cher rdor phreng ltar dang / mi bskyod pa la chu dbang mi sbyor bar rnam snang la chu dbang sbyor bar mdzad/ don yod grub pa dril bu'i dbang gi rjes la/ mig thur sher phyin ma dang / me long rdo rje sems dpar bskyed cing mchod bstod/ de zhu ba las byung ba'i mig thur dang me long gi dbang byed/ mi bskyod pa'i dbang dang 'brel bar lung bstan sngon la byas nas/ mchog tu gsang ba'i dkyil 'khor 'dir/ /zhes sogs kyi dbugs dbyung la/ oM badzra sa twa satwaM sogs kyis dbang bskur bar mdzad do/ gzhan yang phyag mtshan gyi sngon du maNDal dang / slob dpon