[A:10b]gcod par yang dka' bas brtag dpyad bya ba'i gzhi zhig yin par sems so/ /gnyis med rnam rgyal chung ba ni bu ston rin po che nyid kyis bsgyur ba de nyid de/ 'di yang gsang ba 'dus pa'i rgyud du mi rung ste/ gsang ba 'dus pa'i rgyud rnams ni gdul bya 'dod chags can gtso bor 'dul ba'i ched du gsungs pa yin la/ rgyud de nas ni rnam snang gtso bor byas pa'i dkyil 'khor gcig ston pa yin pas gdul bya gti mug can gtso bor 'dul ba rnam snang sgyu 'phrul dra ba dang rigs gcig pas de'i khongs su bsdu dgos pa'i phyir ro/ /bu ston rin po ches rgyud 'di la 'gyur mdzad pa'i dgos pa yang thog mar mkhan chen thar pa lo tsA ba'i phyag dpe'i khrod nas bu ston rin po ches gnyis med rnam rgyal bya ba'i rgyud kyi dum bu shog bu bzhi lnga gcig gi rgya dpe rnyed nas/ de la 'gyur mdzad nas/ de'i mjug tu/ 'di la rgyud kyi dum bu las med kyang sngar gyi gnyis med rnam rgyal zhes grags pa chen po de rdzun mar rtogs pa'i phyir 'di bsgyur zhes bris pa dang / rgyud sde spyi rnam chen mor/ 'di mkhan chen thar pa ba'i phyag dpe'i gseb nas rgya dpe shog yar lnga byung pa la/ le'u dang po'i mgo nas shog bu gcig ma tshang ba dang / le'u bzhi pa'i mgo yan chad dang / mjug gi shog bu gcig byung pa la kho bos bsgyur ba yin no/ /'di la dum bu gnyis las med kyang / sngar gyi gnyis med rnam rgyal gyi rgyud du 'dod pa'i le'u bdun cu don bdun yod pa de rdzun mar yang dag par rtogs pa'i dgos pa yod do zhes gsungs/ phyis su kun spangs chos grags dpal gyi phyag tu de bzhin gshegs pa thams cad kyi mnyam pa nyid