[A:11a]gnyis su med pa rnam par rgyal ba'i rgyud bya ba'i rgya dpe zhig 'bul mkhan byung bas/ de nyid bu ston rin po che la gser gyi skyes dang bcas te bsrings nas rgyud 'di la 'gyur mdzod ces gsungs pa bzhin bu ston gyis bsgyur bas mang nyung / dgyes rdor gyi rtsa rgyud brtag gnyis tsam pa gcig byung nas/ de nyid kyi mjug tu sngar mkhan chen thar pa lo tsA ba'i phyag dpe'i khrod nas rgyud 'di'i dum bu rnyed pa bsgyur mod kyang / da ni rgyud kyi dpe tshang ma rnyed nas bsgyur te/ sngar gnyis med rnam rgyal du grags pa de rdzun mar yang dag par rtogs par bya ba'i phyir/ rin chen grub kyis bsgyur zhes gsungs la/ de lta bu rgyud rnam par dag pa ni yin kyang / gsang 'dus kyi rgyud du ni mi rung ba yin no/ /gnyis pa lha'i dbang pos zhus pa yang gsang ba 'dus pa'i bshad rgyud du mi rigs te/ 'di bod du ma 'gyur bas mdo rgyud gang yin gyi shan phyed pa yang dka' zhing / e waM mA yA'i bshad pa byung bas rgyud yin du chug kyang / de nas bshad pa'i e waM ma ya'i bshad pa'i lung sgron gsal du drangs pa'i cha nas gsang 'dus kyi bshad rgyud yin zhes dge ldan pa 'dod pa la rnam dpyad cher ma byung ste/ lha'i dbang pos zhus pa'i nang gi e waM gyi bshad pa des 'dus pa'i gleng gzhi la phan pa tsam zhig e waM ma yA yod pa'i rgyud thams cad kyi gleng gzhi la phan pas lha'i dbang pos zhus pa 'di rgyud thams cad kyi bshad rgyud du 'gyur la/ de ltar na ni ha cang thal lo/ /sgron gsal du lung drangs shing tshad mar mdzad pa'i phyir na gsang 'dus kyi bshad rgyud yin gsungs pa yang mi rigs te/ 'phags pa yab sras kyis