[A:14a]dpon gyis mdzad nges shes pa min zer ba'i tshig 'di nus pa chen po yin te/ slob dpon gyis dkyil chog mdzad nges shes na/ klu byang gis de dang mi mthun pa'i dkyil chog ga la rtsom pa'i phyir dang / slob dpon sgra gcan 'dzin dpal bshes gnyen bstan pa'i gtad rabs dgu pa yin zhing / 'phags pa klu sgrub kyi dngos slob kyang yin pas klu sgrub kyi gzhung yod na de'i lung drang rigs pa las ma drangs par/ klu byang gi dkyil chog nyi shu pa nas lung drangs pa'i phyir te/ 'di nyid kyis mdzad pa'i zung 'jug gsal ba las/ dbab pa'i nus pa dang ldan pa'i slob dpon gyis dbab pa'i snod dang ldan pa'i slob ma la dbab par bya ste/ grub pa'i dbang phyug klu blo'i cho ga las so/ /zhes bshad cing / gzhan yang a bha ya la sogs pa'i rgya gar ba mang pos klu byang gi dkyil chog nas lung shin tu mang bar drangs pa'i phyir ro/ /des na 'gos dpon slob dang / rje btsun sa skya pa gong ma rnams slob dpon klu sgrub kyis mdzad par bzhed pa dang / de la brten pa'i dbang bka' yod pas slob dpon gyi mdzad ces smras ba shin tu dka'/ slob dpon gyis rtsom rnams gtsang hrig pa zhig yong ba la/ 'gyur nyes pa e yin 'di nyog ge ba zhig 'dug bu ston pas rig pa de dang / gzhung kho rang gi tshig 'gros la bltas na min nam yang snyam ste brtag go /zhes 'byung / mkhas pa'i dbang po gung ru shes rab bzang pos rje rdo rje 'chang gi gsung bzhin 'bri bar mdzad pa'i gsang ba 'dus pa'i rnam bshad las/ 'on kyang klu byang gi dkyil chog de tshad