[A:19b]bkral ba'i lugs de nyid de/ de yang zhal lung gi mjug tu/ khyod kyang zas kyi bya ba dang / nga la cung zad 'khrul rtogs pas/ /tshe 'di nyid la mi 'grub ste/ /zag bcas phung po rang lus ni/ /yang dag gnas ni mi 'gyur ro/ /khyod kyi lus 'di spangs ma thag /rnam par shes pa mi shigs pa/ /phyag rgya chen po 'grub par 'gyur/ /des na khyod kyi yang dag blos/ /sangs rgyas kun gyi 'dus pa'i rgyud/ /gsang ba gsang chen ches gsang ba/ /gong na med pa'i lung chen po/ /de yi rim pa dang po yi/ /sgrub thabs bzang dang sbyin sreg dang / /gtor ma sna tshogs 'khor lo dang / /bsdus pa dang ni rnam bshad dang / /dkyil 'khor cho ga la sogs pa/ /mi shes mun pas khebs 'dra ba'i/ /thur ma lta bu brtsam par bya/ /zhes lung bstan pa la brten nas gzhung chen bcu bzhi mdzad cing / bcu bzhi po'i ngos 'dzin la mi mthun pa mang na yang / grub chen dman pa'i zhabs kyi zhal lung gi 'grel pa las/ rim pa dang po ni sgrub pa'i thabs 'khor dang bcas pa'o/ /sgrub thabs bzang ni kun tu bzang mo gsum mo/ /sbyin sreg ni sbyin sreg gi cho ga gnyis so/ /gtor ma ni mi nub pa'i sgron me'o/ /sna tshogs 'khor lo ni tshogs 'khor chen mo'o/ /bsdus pa ni rin chen 'bar ba'o/ /rnam bshad ni ma mdzad do/ /dkyil 'khor gyi cho ga ni nyis brgya lnga bcu pa zhig mdzad kyang bla mas dpe kha cher bsnams nas bdag gis ni ma mthong ngo / /sogs kyi sgras bsdus pa ni/ rtsa ba'i ye shes chen mo dang / tshigs su