[A:21a]yang rnal 'byor bla med du bkral bas grub chen kun snying gi lugs dang yang mi mthun la/ gsang sngags kyi shing rta'i srol rang dgar byed pa yang ma yin pas/ bla ma snga ma kha cig gi rjes 'brang las 'os med mod/ 'on kyang gang gi rjes su 'brangs kyi bshad tshod kha gsal med par brten/ bla ma gong ma dag gi srol legs pa gcig tu mdzad pa yin no/ /srol bzhi pa ni/ slob dpon sgeg pa'i rdo rje bya ba zhig gis mdzad pa'i rtsa rgyud kyi 'grel pa gleng gzhi ma rgyud dang mthun par bshad pa zhig yod pa de la ngos 'dzin par bshad cing / slob dpon 'dis gsang 'dus chos skor gang la gsan gyi bshad pa gsal ba zhig ma byung la/ slob dpon sgeg pa'i rdo rje bya ba'i mtshan dang ldan pa mtshan brjod kyi 'grel byed 'jam dpal seng ldeng gi dkyil chog rtsom pa po de yin na mgon po 'jam dbyangs kyis rjes su bzung nges shes pa zhig yin par bshad pas/ 'jam dbyangs las dngos su gsan pa yin nam zhes bla ma gong ma dag gi gsung rgyun las 'byung zhing srol gcig tu mdzad pa yin no/ /yang lam srol lnga pa ni paNDi ta smr-i tis bla ma bzang po'i zhabs zhes pa la gsang 'dus zhus nas rtsa rgyud la 'grel pa brtsams/ 'gyur yang paNDi ta rang nyid kyis mdzad pas/ bod skad 'o le ba las med pa'i stobs kyis 'gyur legs po med par bshad pa de nyid yin la/ srol drug pa ni slob dpon shAnti pa sogs mkhas pa sgo drug gi rjes tsam la byang shambha la nas 'phags yul du dpal ldan rgyu skar gyi dkyil 'khor bcu gnyis 'gyur ba'i nang