[A:21b]nas gsang ba 'dus pa rigs drug gi dkyil 'khor bzhugs pa de nyid de/ de yang dus 'khor sngon la byung nas de'i chos skad gsang ba 'dus pa la sbyar ba lta bu ni ma yin la/ dus 'khor gsang 'dus ltar bkral ba yang ma yin zhing / dus 'khor ba rnams kyi lugs la bla med thams cad dus 'khor ltar 'chad pa zhig yin pas gsang ba 'dus pa dus 'khor ltar bkral ba zhig yin par bshad do/ /de lta bu'i gsang ba 'dus pa rigs drug gi dkyil 'khor yang / gsang 'dus lha dgu ma/ bcu gsum ma/ bcu dgu ma/ nyer lnga ma/ so gnyis ma/ so bzhi ma rnams yin pa las/ dang po ni rigs lnga yum bzhi'i dkyil 'khor/ gnyis pa ni/ de dag gi steng du sgo ba bzhi bsnan pa'i dkyil 'khor/ gsum pa de'i steng du rdo rje ma drug bsnan pa'i dkyil 'khor/ bzhi pa ni de nyid kyi steng du byams pa dang sa snying dor ba'i sems dpa' drug bsnan pa'i dkyil 'khor/ lnga pa ni lha de rnams kyi steng du khro bo gtsug tor can the ba'i khro bo lnga/ khro mo drag can ma dang drug bsnan gtso bo yab yum gnyis gcig tu bgrangs pas so gnyis 'byung ba'i dkyil 'khor de nyid do/ /drug pa ni de'i steng du gnod mdzes dang / shin tu sngon mo bsnan pas so bzhi 'byung ba de yin no/ /de'i nang nas thog mtha' gnyis ni dus 'khor ba'i thun mong ma yin pa'i khyad chos yin par bshad la/ lha bcu gsum ma ni rtsa rgyud kyi dngos bstan du yod par bshad cing / grub chen indra bhu tis ye shes grub par yang bshad/ lha bcu dgu ma ni ye shes zhabs lugs dang thun mong ba/ nyi shu rtsa lnga ma ni grub chen