[A:2b]bral lo paN bka' drin bsam bzhin dad/ /lha mi'i ston pa zas gtsang sras po yi/ /lung bstan bdud rtsi brnyes pa'i e waM pa/ /slob mar bcas sogs dpal ldan 'dus pa yi/ /bstan 'dzin rim par byon rnams bsngags par 'os/ /'gro la bde skyid 'byung gnas dpal sa skya'i/ /sde dang bstan pa gdung brgyud bcas pa'i rgyun/ /spel mdzad rgyal ba'i bstan la rgyal ba ltar/ /rab grags sngags 'chang ngag gi dbang por 'dud/ /dam pa gang gi rgyal tshab thugs kyi sras/ /bsod nams mthar son grub pa'i dbang po dang / /ci mdzad bstan dang 'gro ba'i don 'gyur ba'i/ /grags pa'i mtshan can zhabs zung spyi bos mchod/ /dkyil 'khor gtso bo mi bskyod rdo rje yis/ /gdul bya'i snang ngor gsum ldan rdo rje 'dzin/ /bka' drin mnyam med mus chen rdo rje 'chang / /rje btsun byang chub sems kyi rdo rjer 'dud/ /mkhyen rab ngag dbang lha dang dbyer med cing / /chos kyi grags pa 'dzin ma'i khyon las brgal/ /mkhas pa'i rje sogs 'dus pa'i chos tshul gyi/ /bka' drin nos pa'i yongs 'dzin mchog rnams bsngags/ /dpal ldan gsang gsum 'dus pa'i chos skor rnams/ /'phags pa'i yul dang bod 'dir dar ba'i tshul/ /legs bshad gsang 'dus chos kun gsal ba yi/ /nyin mor byed 'di lhag bsam dag pas spel/ /ces mchod par brjod cing bshad par dam bca' ba sngon du btang nas/ 'dir ye shes rdo rje kun las btus las/ ka kha ga gha nga / tsa tsha dza dznya nya/ Ta Tha Da dha Na/ ta tha da dha na/ pa pha ba bha ma/ ya ra la wa sha Sha sa ha/ 'di dag gi ming gi yi ge mtha' ma rnams so/ /zhes