[A:3a]gsungs pa ltar dbyangs gsal gyi yi ge re re'i mtha' can gyi mtshan dang ldan pa'i rgyud sde du ma zhig gsungs pa'i nang nas thams cad kyi rtsa ba lta bur gyur pa yi ge sa mA dzaH'dus pa'i bdag nyid/ dpal gsang ba 'dus pa zhes bya ba'i dam pa'i chos byung ba'i tshul legs par bshad pa gsang 'dus chos kun gsal ba'i nyin byed ces bya ba 'di 'chad pa la/ de yang spyir ston pa yang dag pa rdzogs pa'i sangs rgyas thabs mkhas la thugs rje chen po dang ldan pa de nyid kyis gdul bya so so'i bsam pa dang 'tshams par chos kyi sgo bsam gyis mi khyab pa zhig gsungs pa thams cad bsdu na/ dman pa nyan thos kyi theg pa dang / rgya che ba pha rol tu phyin pa'i theg pa dang / zab pa gsang sngags rdo rje theg pa dang gsum du 'du bar/ slob dpon ArYa de was spyod bsdus sgron me dang / slob dpon shAnti pas theg gsum rnam gzhag slob dpon dran pa'i ye shes grags kyi bka' mtha' dag bsdus te bshad pa zhes pa'i bstan bcos dang / slob dpon tri pi ta ka mas tshul gsum sgron me rnams las bshad la/ de dag gi nang nas gsang sngags rdo rje theg pa ni gdul bya chags can rjes su gzung ba'i phyir gsungs pa yin te/ skye bo 'dod chags can don du/ /zhes gsungs pas so/ /de ltar gsungs pa'i gsang sngags rdo rje theg pa la dbye na du yod ce na/ rdo rje gur las/ dman pa rnams la bya ba'i rgyud/ /bya min rnal 'byor de ltag la/ /sems ni mchog la rnal 'byor mchog /rnal 'byor bla med de ltag la/ /zhes bya spyod rnal 'byor rnal 'byor med dang bzhi