[A:26a]bu rin po che'i za ma tog la sogs pa mang du mdzad la/ de ltar bu ston gyis 'phags 'od la legs par gsan pa'i gsang ba 'dus pa'i dbang 'di la bka' babs so so'i lugs kun 'dus zhes mtshan du btags/ de tsam nas bzung gsang 'dus kyi dbang gcig thob pa na brgyud pa'i bka' babs bdun ldan zhes gsungs nas brgyud pa lugs so so thams cad nas 'dren pa 'di byung ba yin la/ 'di la rje rdo rje 'chang kun dga' bzang po'i gsung rgyun las/ bka' babs bdun ldan gyi dbang 'di sa skya pa'i kye rdor bka' babs bzhi ltar brgyud pa'i lugs srol so sor ma 'dres pa zhig dgos pa las/ da zha lu bas gcig tu bsres tshar 'dug pas dgag sgrub mang na/ dbang bka' gcig po 'di yang ma byung dogs 'dug ces 'byung bas/ de ni thugs shin tu mad par snang ste/ bu ston la 'phags 'od kyi bka' babs bdun po dbang chog gcig gi steng nas dus gcig la ma bskur bar/ dbang rnams so sor bskur/ brgyud pa yang gcig la thams cad 'dus pa 'di ma mdzad par so sor 'dren pa mdzad na/ rje btsun sa skya pa la bka' babs pa'i dges pa rdo rje bka' babs bzhi ltar/ lugs bdun kha ma 'dres pa'i gtsang hrig pa gcig 'byung ba las/ de ma byung bar bka' babs bdun ldan zhes pa'i ming 'dogs mdzad pa 'di la don rgyud la 'gal ba cher med de/ rdog lugs kyi dbang lta bu gcig la yang brgyud pa gzhan rnams kyi dbang gi don tshang bas/ rdog lugs kyi dbang thob na bka'