[A:27a]bcang gi man ngag gang zag cig car ba'i lam rim ston pa rim lnga gdan rdzogs sam nag khrid la bzhed cing / phyi ma 'di la dbang bskur ba'i tshul yang dbang bzhi la dkyil 'khor bzhi dang / me tog dor tshul mi 'dra ba bzhi dang / ye shes dbab pa'i tshul mi 'dra ba bzhi mdzad nas 'di gzhan las zab cing khyad par du 'phags par gsungs nas mar pa rang gi thugs bzhed kyang phyi ma 'di la gtad/ 'di la mar pas rim lnga bsdus gsal mdzad/ brgyud pa 'dzin pa la rgya pho ba lung pa dang / gtsang ston gyi me ston tshon po gnyis byung zhing / pho ba lung pa dang me ston tshon po gnyis kas rim lnga bsdus gsal la 'grel pa re mdzad pa'i snga ma lhad ma zhugs pa'i rnam dag cig yod par gsungs la/ phyi ma 'di la nA ro chos drug dang bsra sa bsre se byas pa'i 'grel pa rnam dag ma yin zhes rje rdo rje 'chang kun dga' bzang po'i gsung rgyun las 'byung ngo / /yang rje mar pa lo tsA bas tshur ston dbang gi rdo rje la gdams/ de nas mkhas grub 'ga' brgyud nas rgya mkhar thang spe ba 'phags pa skyabs kyi bar du byon/ 'phags pa skyabs 'di man chad 'gos dang mar lugs gnyis ldan du bzhugs/ de la gser sdings ba gzhon nu 'od kyi lugs gnyis char gsan med kyang / gser sdings pa 'di gsang 'dus la mkhas shing zhal phod kyang che/ lugs gnyis kyi nang nas mar lugs la thugs rtsis che bas yig cha yang / bla ma brgyud pa'i lo rgyus/ bskyed rdzogs gnyis gdan thog gcig tu bsgom pa/ lam rtags dang