[A:28b]sgo nas lugs de dar ba'i tshul gnyis las/ dang po ni/ gong du bstan pa ltar ston pa rdzogs pa'i sangs rgyas kyis rgyal chen indra bo dhi 'khor dang bcas pa smin par mdzad pa'i rjes su slar yang gsang ba'i bdag po phyag na rdo rjes klu las gyur pa'i dpa' bo dang mkha' 'gro ma mang po la gsang ba 'dus pa bstan/ 'dus pa'i rgyud kyi glegs bam rnams kyang klu las gyur pa'i ye shes kyi mkha' 'gro ma rnams la gtad nas nub phyogs u rgyan gyi yul na ches dar bar yod pa las/ de'i tshe rgya gar lho phyogs o dhe sha na rgyal po bi su kalpa legs pa'i tog ces bya ba rgyu mtshan nyid theg pa la mkhas pa zhig bzhugs te/ de'i thugs dgongs la/ pha rol tu phyin pa'i sde snod las/ las dang po pas 'dod yon sogs nyon mongs pa spangs nas byang chub bsgrub par gsungs na'ang / mdo bsdud pa las/ de tshe byang chub sems dpa' 'dod yon lnga spyod kyang / /zhes sogs dang / 'od srung gis zhus pa las/ ji ltar grong khyer skye bo'i mi gtsang lud/ /de ni bu ram shing pa'i zhing la phan/ /de bzhin byang chub sems dpa'i nyon mongs lud/ /des ni sangs rgyas chos rnams bskyed la phan/ /zhes 'dod yon la spyod cing nyon mongs grogs su 'char ba'i lam ston pa'i tshig cig ni byung / de nyams su len tshul mi shes pa la gsal bar bstan pa ma byung bas/ de ston pa'i rgyal ba'i bka' zhig ni yod nges/ de lta bu'i theg pa mchog dang mjal bar shog cig ces smon pa'i tshe/