[A:29b]du rab tu byung ba'i mtshan yang sgra gcan 'dzin bzang por btags/ des phyi'i sde snod la legs par sbyangs pas mkhas pa chen por gyur te/ bi ka ma la shI la'i mkhan po mdzad cing bzhugs pa las/ rgyal po bi su kalpa zhes bya bas o rgyan nas mkha' 'gro ma rnams las gsang sngags zab mo'i chos lon yod zer ba thos nas dad de/ de'i drung du song zhing zhus pas/ des kyang gsang ba 'dus pa'i dkyil 'khor du bcug dbang bskur/ rgyud bshad/ gdams pa dang rjes su bstan pa ma lus pa gnang / bram ze des kyang don nyams su blangs pas bskyed rdzogs kyi don la brtan pa cung zad thob pa dang / de mthar phyin par bya ba'i phyir rab byung gi cha lugs sbas te spyod pa la gshegs so/ /de'i tshe mda' 'phen pa'i spyod pa mdzad de/ mda' legs par bsrangs na gnad du 'phog pa bzhin du/ sems nyid gnas lugs kyi steng du srong na grol bar rtogs nas rtogs pa mchog brnyes so/ /de'i tshe sa ra ha zhes par mtshan grags/ de yang mda' bsnun zhes pa yin la/ grub chen des rang gi rtogs pa glur blangs pa do ha mdzod mdzad/ de yang spyir do ha la rgyal po do ha/ btsun mo do ha/ dmangs do ha dang gsum las/ de gsum char slob dpon 'dis mdzad par grags kyang / gzhan gnyis ni bal po'i paNDi ta zhig gis byas pa slob dpon 'di la kha 'phangs pa yin par grags la/ 'dis mdzad pa'i do ha ni dmangs do har grags la/ sems nyid gcig pu kun gyi sa bon te/ /zhes pa yod pa de yin par bshad do/ /de lta bu'i