[A:30a]grub pa'i slob dpon chen po de mthar dpal gyi ri la gshegs shing / lo sum stong bzhi brgya bzhugs nas skal ldan gyi don mdzad par grag go /de nyid kyis rjes su bzung zhing byin gyis brlabs pa ni dpal 'phags pa klu sgrub ste/ de yang sangs rgyas mya ngan las 'das nas lo bzhi brgya na rgya gar lho phyogs be ta'i yul du bram ze phun sum tshogs pa gcig la bu med pa las/ lan cig rmi lam du bram ze brgya la chos ston drangs na bu rnyed ces pa'i lung bstan byung / de nas de ltar byas pas zla ba bcu nas khye'u zhig btsas te mtshan mkhan la bstan pas/ mtshan bzang mod kyi/ 'on kyang zhag bdun gyi tshe las med do zer/ de la cis phan dris pas/ bram ze brgya la chos ston drangs pas zla ba bdun dang / dge slong brgya la chos ston drangs na lo bdun thub/ de nas thabs med do zer/ de nas de bzhin byas te lo bdun du nye ba na/ bu'i ro mthong ba pha mas mi bzod pas g.yog dang bcas yul khams gzhan du btang / des kyang song song ste kha sar pa Ni'i zhal bltas nas rim gyis na lendra na sa ra ha bzhugs pa'i sgo drung du slebs nas/ der snyan ngag gi rig byed ston pas/ bram ze chen pos gsan nas nang du bos pa na/ sngar gyi tshul rnams zhus pas/ slob dpon na re/ rab tu byung na thabs yod gsungs/ phyis rab tu byung bar khas blangs/ der slob dpon gyis 'chi bdag 'joms pa'i dkyil 'khor du dbang bskur gzungs 'don du bcug khyad par lo bdun lon pa'i nub