[A:33b]grongs bar du pha yang mi 'chi bas khyod kyis rgyal srid skyong ba mi yong zer bas/ bu mya ngan skyes te ngus pa dang / ma na re/ de tsam gyi mya ngan mi dgos kyis/ slob dpon byang chub sems dpa'i spyod pa rlabs po che la gnas pas dbu bslangs na ster bar 'gyur zhing / der yab kyang 'gum pas khyod kyis rgyal srid thob par 'gyur ro zhes zer ba dang / de nas rgyal bu des slob dpon gyi drung du phyin nas dbu bslangs pas byin/ de'i tshe ral gris ma chod par rtswa ku shas bcad pas khrag ma byung bar bdud rtsi 'o ma'i rgyun lta bu byung zhing / dbu bcad pa'i mtshams nas/ nga ni 'di nas bde ba can du 'gro/ /phyi nas lus 'di la yang 'jug par 'gyur/ /zhes pa'i tshig byung ngo zhes kyang grags/ de nas rgyal bu des dbu slar 'byar gyis dogs nas dpag tshad tsam gyi sar dor ro/ /slob dpon bcud len grub pas sku lus dang dbu gnyis rdor gyur te gnas so/ /de ltar yang zla ba grags pas tshig gsal las/ dbu ni don du gnyer ba 'ong la thugs rjes dbu ni bcad de stsal mdzad nas/ /bde ba can du klu sgrub gshegs par gyur pa des mdzad pa'i/ /zhes gsungs pa yin no/ /de lta bu'i slob dpon chen po de ni mdo rgyud du ma nas lung bstan te/ 'jam dpal rtsa rgyud las/ de bzhin gshegs pa nga 'das nas/ /lo ni bzhi brgya lon pa na/ /dge slong klu zhes de 'bod 'byung / /bstan pa la ni dad cing phan/ /rab tu dga' ba'i sa thob pa/ /lo ni drug brgya dag tu 'tsho/ /rig pa rma bya chen po ni/ /bdag nyid chen po des kyang 'grub/ /bstan bcos sna tshogs don