[A:36b]bstan pa la gnod pa chen po byed par 'gyur ro zhes lung bstan/ de'i tshe 'khor de na byang chub sems dpa' lag na padmo zhes bya ba 'dug pa des mu stegs de bdag gis btul nas nang ba'i bstan pa la 'jug par gyur cig ces smon lam btab/ ston pas kyang gnang / yang lo rgyus kha cig las/ de'i tshe btsun chung gcig gis der 'gyur bar smon lam btab pa phyis slob dpon 'phags pa lhar gyur pa yin zhes kyang 'byung bas ji ltar byas kyang 'gal ba med dam snyam ste/ de lta bu'i byang chub sems dpa' de de'i tshe btsun chung gi tshul bzung nas smon lam de skad btab pa yin par bshad na nyes pa gcig kyang mi 'byung bas so/ /de nas dus phyis singga la'i rgyal po me tog ldum rar padmo rnams nyin kha phye/ mtshan zum par 'gyur ba yin pa las/ padma gcig nyin mtshan thams cad du kha zum par gyur pa dang / de'i rgyu mtshan rgyal po la bsnyad pas/ de sras khyad par can 'khrungs pa'i ltas yin pas lags par gnyer gyis shig ces bsgo'o/ /de nas nam zhig na padma de kha phye ba'i nang nas khye'u mtshan dang ldan pa gcig byung nas slob dpon klu sgrub ga na yod zer/ tshul de rgyal pos thos nas bur bzung ste skyed cher bsrings so/ /cher skyes pa na/ slob dpon klu sgrub kyi spyan sngar byon rab tu byung bsnyen par rdzogs/ phyi mtshan nyid kyi sde snod thams cad la legs par sbyangs pas mkhas pa chen por gyur/ de nas dpal gsang ba 'dus pa'i dkyil 'khor du dbang bskur/ rgyud bshad/ gdams pa dang rjes su bstan pa ma lus pa nod cing thos bsam mthar