[A:41b] pa gnang zhing / 'dis gsang ba 'dus pa'i dkyil chog nyi shu pa sogs bstan bcos kyang 'ga' mdzad/ mthar dpal gyi ri la gshegs te deng sang yang bzhugs so/ /yang thugs sras bzhi'i shAkya bshes gnyen nam shAkya mi tra ni gong du bstan pa ltar rim lnga'i rim pa gnyis pa mdzad mkhan de yin/ yo ga ba shAkya bshes gnyen bya ba de dang 'di mi gcig ste/ yo ga ba des legs ldan 'byed kyi lung mang po drangs shing 'di ni klu sgrub kyi thugs kyi sras mchog tu gyur pa zhig yin la/ legs ldan 'byed ni klu sgrub kyi dngos slob tsam yin kyang / sras kyi thu bo min pas de'i bstan bcos nas lung 'dren mdzad pa mi 'byung bas so/ /yang spyod bsdus la 'grel pa mdzad mkhan gyi shAkya bshes gnyen bya ba gcig byung ba de yang 'di dang mi gcig cing / gsang 'dus ye shes zhabs lugs pa'i brgyud 'dzin shAkya bshes gnyen zer ba zhig yod pa de dang yang dus mi 'grigs pas mi gcig par bshad pa yin no/ /yang ma tang gi pa ni 'jigs pa'i dur khrod du brtul zhugs kyi spyod pa mdzad pas 'phags pa spyan ras gzigs kyi zhal gzigs/ yul las mtshan du btags pa la rnal 'byor dbang phyug paN ta pa/ rigs kyi sgo nas mtshan thogs pa la ting go pa phyag rgya chen po mchog gi dngos grub brnyes kyang sbas pa'i brtul zhugs la gnas pa gsang mtshan mtshan gsang ba zhes grags pa zhig yin par bshad pa yin no/ /yang nye sras sangs rgyas bskyang legs ldan 'byed gnyis ni slob dpon 'di'i dbu ma'i