[A:42a]bshad srol gtso bor 'dzin pa ste/ de yang rtsa ba shes rab las/ bdag las ma yin gzhan las min/ /zhes sogs dam bca' bzhi gsungs pa la/ sgrub byed kyi rigs pa thal 'gyur gyi rigs pa'i sgo nas bsgrub rigs par sangs rgyas bskyang gis gsungs nas/ lugs de la dbu ma thal 'gyur bar grags/ legs ldan 'byed kyi sangs rgyas bskyang gi bzhed pa de bkag nas rang rgyud kyi rigs pa'i sgo nas bsgrubs pas dbu ma rang rgyud par grags te/ mdor na dbu ma thal rang zhes pa'i kha skad 'di slob dpon de gnyis nas byung ba yin no/ /yang nye sras dpa' bo ni/ gong du bstan pa ltar rta dbyangs yin no/ /yang dngos slob tu 'dod pa ltar na sras kyi gtso bo bzhi'i nang tshan nam/ dgongs pa skong ba'i slob ma zla ba grags pa ni dag pa'i snang bar 'phags pa klu sgrub la chos gsan cing rtsod dus kyi paNDi ta khyad par can zhig ste/ de yang spyir de dus nA lendra na paNDi ta mang du yod kyang / mu stegs byed kyi rgol ba tshar gcod mi nus na phyir chos mi 'chad pa la/ slob dpon zla ba grags pas ni phyir chos 'chad nus pa las/ de'i tshe rgya gar lho phyogs kyi mkhas pa chen po tsandra go mi slob dpon 'di yi drung du 'ongs te 'dud pa ma byas par bsdad pa dang / zla grags kyi thugs dgongs la rtsod dam bgro bar 'dod pa gcig 'dir 'ongs pa yin te 'ong snyam nas/ phyogs gang nas 'ong / chos ci shes dris pas/ lho phyogs nas 'ongs/ sgra pA ni/ sher phyin tshul brgya lnga bcu pa/ 'jam dpal mtshan brjod shes zer bas/ sgra dang mtshan nyid kyi rtsa ba dang / sngags