[A:46b]pa sogs kyi thugs kyi ngal ba de lta bu mi mdzad par zla grags klu sgrub kyi dgongs pa skong ba'i slob ma yin gyi/ dus mtshungs kyi dngos slob ma yin zhes bdag nyid chen po sa paN gyis gsungs pa 'di dang rjes su mthun pa zhig mdzad par zhu zhes mkhas dbang khyed la thal mo sbyor ro/ /des na zla grags klu sgrub kyi dngos slob yin na/ zla grags nyid kyis/ bde ba can du klu sgrub gshegs par gyur pa des mdzad pa'i/ /gzhung mang dang ni slob ma'i tshogs de dag kyang dus nam zhig na nyams par 'gyur/ /de nyid nyi ma nub pas deng sang gzhung lugs gsal po de ni gang na'ang med/ /ces zla grags kyi dus na klu sgrub kyi slob ma'i tshogs rnams kyang nyams pa ste 'das zin cing / de nyid slob ma dang bcas pa gshegs pas zla grags kyi dus na gzhung lugs gsal po yang med gsungs pa dang / gcig nas gcig tu brgyud las 'ongs dang bdag gis rnam phye las rnyed gang / /zhes klu sgrub las dngos su ma gsan par gcig nas gcig tu brgyud de gsan par bshad pa sogs mi 'thad par 'gyur ro/ /rgyu mtshan de dag gi phyir na zla grags klu sgrub kyi zhabs ma zin par rje rdo rje 'chang gi gsung rgyun las 'byung ba'i tshul gong du bkod pa de dag dang / khyad par bdag nyid chen po sa skya paNDi ta chen po la/ 'chad ka nam mkha' 'bum gyis zla ba grags pa klu sgrub la sleb bam zhes zhus pa'i lan du/ klu sgrub kyi dgongs pa skong ba'i slob ma yin pas/ klu sgrub slob ma zla grags yin/ /zhes gsungs pa lags zhes gsungs pa ltar/ zla grags klu sgrub kyi dgongs pa phyin ci ma log par skong ba'i slob ma yin