[A:48b]lugs kyi dbang gi brgyud pa 'dren pa'i tshe/ klu sgrub kyis/ ArYa de ba/ shAkya bshes gnyen/ klu'i byang chub/ zla ba grags pa dang bzhi la stsal bar bshad pas 'thad ldan du zhal gyis bzhes pas kyang don de nyid grub ste/ klu sgrub kyis zla ba grags pa la stsal tshul de dag pa'i snang ba tsam gyi sgo nas ma yin par dngos slob tu byas nas gdams pa stsal ba yin na/ bdag nyid chen po sa paN rang nyid kyis dgongs pa skong ba'i slob mar ga la gsungs/ brgyud rim de yang 'thad ldan du mi bzhed dgos pa'i phyir ro/ /des na phyis zhal bstan nas dag pa'i snang bas mjal ba la ni nges pa med la/ de las gzhan dus kyi dbang du byas na zla grags kyis klu sgrub kyi zhabs zin yin pa la lung rigs 'thad ldan med pas/ de'i dbang gis zla grags klu sgrub kyi dngos slob min pa 'di don la gnas so/ /zhes kho bo smra'o/ /gal te dag pa'i snang bar mjal nas gdams pa stsal ba tsam gyi dngos slob tu 'gyur na/ mkhan chen g.yag pa'i mtshan can sangs rgyas dpal bdag nyid chen po sa paN gyi dngos slob tu khas len dgos te/ de la des zhal bstan nas 'jam dbyangs dang sa paN sbags sgrub kyi gdams pa zab mo 'di stsal ba'i phyir te/ de ltar stsal ba'i gdams pa de mkhan chen des dngos slob rong ston shes bya kun rig la gnang / rong ston nas brgyud pa'i gdams pa de kun mkhyen bsod nams seng ges kyang gsan zhing / dus shig kun mkhyen chen po rong chung du chu'i steng du lhung ba'i tshe chur ma nub pa sogs ngo mtshar ba'i lo rgyus kun mkhyen chen po'i rnam thar na gsal zhing /