[A:49a] de yang gdams pa zab mo nyams su bzhes pa las byung bas chos de tshad ldan yin par deng sang rlung ltar grags pa'i phyir ro/ /mkhan chen g.yag pa chos rje sa paN gyi dngos slob tu 'dod pa ni ha cang thal lo/ /de lta bu'i slob dpon zla ba grags pas/ sngags phyogs la gong du bstan pa de dag dang mtshan nyid phyogs la mngon pa mdzod dang / grub mtha' rkang gcig pa'i phung po lnga'i rab byed dang / dbu ma la rtsa ba shes rab kyi don gyi 'grel pa 'jug pa/ tshig gi 'grel pa tshig gsal/ gzhan yang bzhi brgya pa'i 'grel pa dang / rig pa drug cu pa'i 'grel pa rnams mdzad do/ /de ltar 'phags pa klu sgrub kyi slob ma shAkya bshes gnyen/ 'phags pa lha/ klu'i byang chub/ sgra gcan 'dzin dpal bshes gnyen te bzhi'i nang nas dang po gsum dang / zla grags dang bzhi char gyis slob pa'i rdo rje la gdams shing / 'di'i rnam thar gsal ba zhig ma mthong la/ des rjes su bzung zhing byin gyis brlabs pa ni slob dpon nag pa po ste/ 'di la bu ston gyi gsang ba'i sgo 'byed las/ des nag po spyod pa la gdams/ de'i rnam par thar pa rgyas pa bde mchog tu shes par bya zhing zhes sogs gsungs nas bde mchog pa'i nag po spyod pa'i rdo rje la bzhed/ 'gos lo chen pos nag po pa la che 'bring chung gsum du mdzad nas 'di chen po la bshad/ rje rdo rje 'chang kun dga' bzang po'i gsung rgyun zin bris 'ga' zhig las/ 'di la bus bde mchog pa'i nag po yin zer ba mi 'thad de dus mi mtshungs pa'i