[A:49b]phyir ro/ /des na 'gos kyis nag po pa che 'bring chung gsum du byas nas 'di chen po zhes bshad kyang / 'di nag po spyod chung bya ba yin no zhes gsungs pas cung zad mi mthun pa zhig go /'on kyang dus mi mtshungs pa'i phyir ro zhes pa ngor pa'i zin bris las bshad snang ba/ 'khor lo bde mchog nag po pa'i brgyud rim la nag po pa nas/ nA ro pa'i bar la/ gu hya pa/ rnam rgyal zhabs/ tai lo pa dang gsum/ lU hi pa'i brgyud pa la rnam rgyal gyi dod du bar ma'i slob dpon bsnan pas bla ma gsum byung bas/ gsang ba 'dus pa'i brgyud rim la nag po spyod pa nas nA ro pa dang dus mtshungs mngon shes can gyi bar du sa 'dres pa las ma byung bas dus mi mtshungs gsung rgyu yin nam snyam pa 'thad pa ltar snang yang / 'on kyang bde mchog mar lugs kyi brgyud pa la nag po pa nas/ tai lo pa/ nA ro pa/ zhes bar der bla ma gcig gis chog pa zhig bshad/ de bzhin du gsang 'dus mar lugs grub thob gnyis kyi brgyud pa la yang / nag po spyod pa nas tai lo pa/ nA ro pa zhes dang / mkhas pa paNDi ta'i brgyud pa la/ nag po spyod pa nas/ dri med blo gros/ des dpal ye shes snying po la gdams/ dpal ye shes snying po dang nA ro pa dus mtshungs pas/ nA ro pa dang nag po spyod pa ba'i bar du bla ma gcig gis chog pa zhig mar lugs kyi brgyud yig rnams las byung zhing / zla grags dang / nA ro pa'i slob ma tsandra go mi dus mtshungs pas/ nA ro pa zla grags kyi zhabs zin na yang / zla grags kyi