[A:89b]gsungs pas/ thod pa can de he ru kar gyur nam mkha' la 'phur te/ mdze mo de yang mdze mo ma yin rdo rje phag mo'i rnam 'phrul yin/ /zhing rmod de yang zhing rmod ma yin he ru ka yi rnam 'phrul yin/ /mdzes ldan de yang bu mo ma yin rdo rje phag mo'i rnam 'phrul yin/ /klog mkhan de yang klog mkhan ma yin he ru ka yi rnam 'phrul yin/ /thod pa can yang thod pa can min he ru ka yi rnam 'phrul yin/ /tshe 'dir mchog min gzhan du gzhung drug rtsoms shig bar dor sangs rgyas 'grub/ /ces gsungs pa na/ slob dpon gyis bdag rjes su gzung du gsol zhes gsol te/ khyod kyi zhabs kyi brjid kyis mnan na 'og gi rlung yang 'jig 'gyur zhes te thugs rje'i zhabs g.yon bskums par mdzad/ /khyod kyi phyag rnams drang por bsrangs na phyogs skyong rnams kyang skrag 'gyur zhes te byams pas phyag rnams bskums par mdzad/ /dbu yi gtsug tor drang por bsrangs na tshangs pa'i 'jig rten 'jig 'gyur zhes te thugs rjes cung zad yo bar mdzad/ /rje btsun khyod kyi sku yi gar ni dgos pa dang ldan mthong pas dad de mchog tu gus pas khyod la bstod/ /srid pa gsum 'bar sku ni rjes chags dul bar ldan/ /'od zer sngon po stong 'bar nyi ma brgya stong ldan/ /rnam mang sku dang cha lugs rjes chags sems dpar ldan/ /he ru ka dpal de dang lhan cig gar byed shog /ces bstod cing smon lam btab pas/ he ru ka des ha ha hi hi ho zhes gsungs te mi snang bar gyur to/ /de nas blon pos