[A:90a]'o skol gyi lha 'jigs byed dus mtshan gyi 'og tu yod na ci bya zhus pas/ slob dpon gyi zhal nas bcom ldan 'das rnam pa thams cad du 'jig rten pas brdzi bar mi nus so/ /zhes gsungs/ de nas zhag bdun 'das nas bltas pas 'khor lo bde mchog gi bris sku ni 'od dang ldan pa/ bris sku cig shos kyang 'jigs byed dus mtshan gdan du byas pa'i bcom ldan 'das 'od dang bcas par gyur 'dug pas/ rgyal po 'khor dang bcas pa thams cad ngo mtshar du gyur te slob dpon rgyal po'i pho brang du spyan drangs nas dbang dang gdams ngag zhus/ rgyal srid thams cad yul re bhaM ga la'i rgyal po'i mnga' 'og tu gtogs pa thams cad sangs rgyas pa'i bstan pa la bkod cing / he ru ka'i lung bstan bzhin gzhung drug mdzad do/ /de nas yang slob dpon gyis de wi ko trar byon pas/ mkha' 'gro ma zhig mi'i bu mor brdzus nas 'bras rdung gin 'dug pa la bslangs pas ma byin pa na/ slob dpon gyis 'bras kyi tshom la lta stangs mdzad nas bkag pas/ mos kyang slob dpon la lta stangs byas pas zhal nas khrag byung ste/ de gsol nas sngar gyi bzhugs sar byon pas snyung bas thebs nas/ ngas bla ma'i bka' bcag pa'i nyes pa byung bas/ yul nyi shu rtsa bzhir tshogs 'khor byed du song me tog dang sman byed khyer la shog gsungs/ 'khor rnams kyis de bzhin byas pas/ lam kha na khrus kyi rdzing bu zhig na bud med mang po khrus byed kyin 'dug pas khyed rnams kyang khrus gyis zer/ long med slob dpon snyung bas nged ring