[A:98b]'byor pa'i cha lugs kyis sgrub pa byed cing yod pa las/ lan cig te te'i thang la bsdad yod pas/ rgyal po'i btsun mo shing kun la mchod pa byed du byung ba na/ zhwa ma phud pas/ btsun mo'i 'khor dag gis brdungs te ro bzhin du gyur pas/ phyi mo'i bar du ma byung nas btsal bas/ thal dong zhig na ro bzhin du 'dug pa khyogs la bteg te 'ongs pas/ der a thas pa chen po'i zhal nas/ khyod kyang 'jig rten yul chos dang 'gal ba byed don med/ 'khor dag gis kyang rnal 'byor pa mi'i khongs su mi chud pa yin pas brdungs pa mi rigs pa yin te/ brdungs 'dug pas/ da 'di la nus pa zhig ma bstan na bstan pa la gnod gsungs/ 'jig rten pa dang 'jig rten las 'das pa'i gtor ma gnyis bshams/ sgo dam par bsdams nas nga la su yang ma 'bod gsungs te mnyam par bzhag go /de nas btsun mo rang gi khang par phyin pas sems smyo zhing lus ngag rengs par gyur pa na cis lan brtags pas sngar gyi des lan par shes nas/ mos gus byas pas grol te/ 'bras mi khur bzhi bcu dang / de'i cha rkyen dang bcas pa phul te bzod gsol byas rgyal po dang btsun mo gnyis pham thing pa chen po'i zhabs la gtugs te/ de gnyis la dbang bskur/ btsun mo'i don du go cha'i dpa' bo drug gi sgrub thabs dang bstod pa zhig mdzad/ de rgya gar du khyer bas sgra tshad pa sus kyang skyon ma thogs nas/ de'i tshe na ro pa ni mi bzhugs/ lan cig khong las