[A:98a]che 'bring gnyis ma 'grub kyang / chung ngu tshigs bcad 'dzin pa dang rtsom pa la thogs med tsam byung bas ngag gi dbang phyug ces kyang grags so/ /de nas yang gcen 'jigs med grags pas/ ngag gi dbang phyug la khyod klog skya shes rab rtsegs dang 'grogs la/ 'dir rgyun zhag gi me dang / tshes bcu'i mchod pa ma chag par byed pa'i cha rkyen 'tshol bar bod du song gsungs nas/ thang chung bas klog skya dang 'grogs te snyal yan chod du byon/ de dus jo bo bha danta yang thang chung ba'i 'khor du yod pas/ khong gis rong ngur smrig tu rta gso zhing bsdad pas/ zhar la brang ti la mngon pa bod skad du gsan pas tshar gcig gis thugs su chud pas mkhas par gyur te/ slob dpon la 'gran bzod pa byung zhing / phyis yongs su rdzogs pa'i paNDi ta chen por gyur to/ /de nas khong rnams kyis gser srang lnga brgya rnyed de log byon te/ rgyun zhag dang tshogs 'khor gyi rgyun phyis su yang ma chag par yod par grags so/ /de nas thang chung ba la sha khra'i nad byung ste/ de yang khong rang dang klog skya gnyis kyis padma'i rdzing bu la rkyal byas pa la brten nas byung yang zer/ yang 'ga' zhig tu/ bod du 'byon dus bde mchog gi bris sku zhig 'khyer ba la klu brgyad rig ma dang bcas pa bris yod pa/ zhal kheb chung bas ma khebs par snod min gyis mthong ba la brten nas byung bar bshad de gang ltar seng ge sgra'i sgrub pa mdzad pas nad de las grol/ de nas phyis rnal