[A:99b]byung / rtsis byas pas/ 'di la srog chags bye ba cig gi mchod sbyin ma byas na lo gsum nas bal po'i yul stong nas 'gro zer bas/ rgyal po skrag ste srog chags bye ba ni med ji ltar bya/ nga pham thing pa la zhu ba las thabs med snyam zhus pas/ sbyin sreg gi yo byad skyol cig gsungs/ rgyal pos til mi khur bco brgyad dang bcas sbyin sreg gi yo byad phul te/ sbyin sreg mdzad pa'i dus su sgrub g.yog sogs der yod kun gyi mthong snang la thab kyi nang na tsaNDi ka'i sku 'dug pa la/ phyag tu til bzhag pa rnams re re'ang ra dang lug la sogs pa'i srog chags su gyur te/ de dag tsaNDi ka'i khar ster ba mthong nas/ tsaNDi ka'i gnod pa yang med par gyur to/ /gzhan yang tshogs 'khor dus su chang dang / shing thog dgug nus pa la sogs pa dman pa dang 'bring gi dngos grub bsam gyis mi khyab pa thob pa zhig yin par bshad do/ /de lta bu'i dpal pham thing pa chen po 'jigs med grags pa zhes mtshan yongs su grags pa des dbang bskur shing rgyud byin gyis brlabs pa'i slob ma'i tshogs mang du yod pa'i nang nas/ bal po bha danta ni/ su ma ti kitti te blo gros bzang por grags pa 'di gong du bstan pa ltar yongs rdzogs kyi paNDi ta chen po/ sgrub pa'i sgo nas bskyed rim la brtan pa thob cing thun mong gi dngos grub kyang ci rigs thob pa zhig yin mod kyang / bal por mu stegs kyi paNDi ta zhig dang / rnal 'byor ma tsaNDa li zhes pa gcig ste gnyis