[A:100a]dang rtsod pa byas te/ gang pham pa de'i mgo la lcang li 'jog par byas pas/ bla ma rgyal nas khong gnyis kyi mgo la lcang li bzhag pas de gnyis bros te/ khyod phyi'i rgya mtsho la thug gi bar du bskrad kyis zer ba la/ nga bde mchog gi rnal 'byor pa la khyod lta bus gnod pa bya mi nus gsungs bsrung 'khor ma mdzad pas/ de gnyis kyis bskrad pa'i 'khor lo byas pa'i nus pa yin yang grags te/ de nas skabs shig na/ bla ma bha danta'i zhal nas/ nga rgya nag ri bo rtse lngar dngos grub kyi rdzas 'ga' zhig len par 'gro gsungs/ sus bshol btab kyang ma gsan par byon/ mi nyag rgyal po'i bla ma mdzad/ der dus phyis ljongs rgyu zhing byon pas rgya nag gi mtha' phyi'i rgya mtsho'i 'gram du slebs pa na/ rgya mtsho la gzigs nas ri dkar po gnam la lang pa 'dra ba 'di ci yin gsungs pas/ phyi'i rgya mtsho lags zhus pas/ sngar gyi de dran te/ kye ma ngas de tsam na bsrung ba zhig kyang ma byas/ de bzlog pa la tshegs med pa la/ nga bal po rgan pos rang yul ma mthong ba yin gsungs/ slar ljongs rgyu ba las log ste/ mi nyag gi yul du bde mchog gi lha khang bzhengs/ bde mchog gi sgo nas 'gro ba mang po smin grol la bkod/ gshegs pa'i tshe lha'i rol mo sogs mchod pa sna tshogs dang bcas dpa' bo dang rnal 'byor ma'i tshogs kyis mkha' la spyod pa'i gnas su khyer ro/ /de la dmar pa do pa/ rngog lo/ mal lo/ klog skya sogs