[A:105a]mnal sad pa na ma dran gsungs/ de nas bod gcung gi phu byang du bstan pa'i mda' bye tshul ldang pa'i dgon pa zhig tu sngags pa bgres po zhig tu 'khrungs nas mtshan brjod kyi bshad pa sngags don rnam gzigs kyi steng nas mang du bshad pa dang / 'grel pa de'i dbu na/ thob dka' rgyu dang bcas pa yi/ /mtshan gyi don rnams bsdus pa yin/ /bya ba yod pa yang gsal bar dran pa sogs spyir sku'i skye ba bdun tsam dran zhes rje btsun nyid kyi mnal gyi 'od gsal gyi gsung las 'byung ba yin no/ /dgung lo so bdun bzhes pa'i tshe/ slob dpon rin po che'i gdung khang nas/ khyod 'di nas byang phyogs su zhing khams dpag tu med pa 'das pa na 'jig rten gyi khams gser gyi mdog can zhes bya bar de bzhin gshegs pa gser 'od rnam par brtsen pa zhes bya ba'i bstan pa la/ da lta 'khor los bsgyur ba'i rgyal po bsod nams mtha' yas zhes bya ba bzhugs/ de'i sras 'khor los bsgyur ba'i rgyal po yon tan mtha' yas su skye'o zhes lung bstan pa'i tshig rang grag tu byung ba dang / dgung lo zhe dgu pa'i tshe mnal lam du khang pa zhig gi 'og tu mi mang po ku co dir re ba dang steng na yang mi mang po zhig 'dug pa'i dbus na bla ma yab sras bzhugs pa'i drung nas gzhan zhig tu bzhud dgongs tsa na/ bla ma yab sras kyis bzhud pa'i lam bstan nas mi snang bar gyur/ mi