[A:104b]mkha' spyod kyi gdams pa sogs bum pa gang byo'i tshul du gsan/ dgung lo bcu gcig pa'i tshe dgyes pa rdo rje rgyud gsum gyi po ti gsol ba'i snang ba byung nas chos thams cad kyi de kho na nyid thugs su tshud par gyur/ dgung lo bcu gsum pa'i tshe dpal sa skya'i gdan sa mdzad/ dgung lo nyi shu tsam bzhes pa'i tshe mnal gyi 'od gsal du 'jam dpal mtshan brjod phyed tsam 'don pa dang / dus cig na mnal lam du skye ba snga ma la bzung ba yin gsungs te mtshan brjod tshar gcig zhal 'don du mdzad pa'i rjes su khyod kyi skye ba bdun gyi bar gyi yi dam gyi lha 'phags pa 'jam dpal zhes lung bstan pa rmis/ dgung lo nyer gnyis pa'i tshe yang mnal gyi 'od gsal du rgya gar shar phyogs bha rantrar sngags pa'i paNDi ta bgres po cig tu sku'i skye ba bzhes pa'i tshe/ bha rantra'i byang ngos su rgyal po zhig gis lha khang bzhengs de'i rab gnas zhus pas/ nga rgas nas rab gnas mi nus nga'i ming sgo mtha' yas pa'i blo gros bya ba yin/ ming de sgo gong du bris la zhog des bar chad bsrung ba yin/ de nas nga'i slob ma paNDi ta gzhan zhig la zhus zhes gsungs pa sogs paNDi ta sgo mtha' yas pa'i blo gros kyi skye ba dran pa dang / gzhan yang paNDi ta de las 'phos nas ma ga dha'i bya rgod phung po'i ri'i byang ngos su btsun pa'i paNDi ta zhig tu 'khrungs pa/ de 'das nas u rgyan gyi yul du dpon btsun gyi paNDi ta zhig tu 'khrungs pa rnams gsal bar dran/ de nas sku'i skye ba gnyis yod pa mnal lam du dran kyang