[A:106a]btsun la khros pa/ ma shi ba de slar dam tshig gsos pas ngan song du mi 'gro ba/ dang por lam khar lus pa de dag cung zad lam bsgom pa/ lam gnyis ka'i khar lus pa de dag cung zad rtogs pa skyes pa/ sum cu tsam ma thar ba de snga ma las rtogs pa cung zad mtho ba/ phyi bzhin du sleb pa de dag bzod pa thob pa ste/ bla ma sa chen gyi slob ma stag lta bu lus ma spangs pa ni mi 'ongs/ zhu yas lta bu'i bzod thob lnga drug tsam yong bar 'dug gsungs so/ /dgung lo lnga bcu nga drug pa'i tshe mtshan gyi 'od gsal gyi ngang las/ bla ma sa chen gyi sku ye shes kyi snang ba bstan nas lam 'bras shin tu nye brgyud ces grags pa brda don gsal ba'i bka' drin mchog tu mnos/ dgung lo re gcig gi dus cha lung rdo rje'i brag rdzong du bzhugs skabs mnal lam du/ ne'u gsing zhig gi steng na bzhugs 'dug pa la bud med cig gis mkha' spyod du byon zer ba la/ nga mkha' spyod kyis ci bya/ sangs rgyas kyang sems can gyi don las med mi 'gro gsungs/ yang rdo dkar 'jam zhig gi steng na 'khod nas/ 'di'i steng du zhabs bzhag na mkha' spyod du 'gro zer ba byung / dgung lo re bdun pa'i tshe bla chen la byang sems brgyad kyis skor ba/ g.yas su kyai rdo rje lha dgu/ g.yon du shAkya thub pa la dgra bcom brgyad kyis bskor ba'i rnam 'phrul bstan te/ bla chen gyi zhal nas/ khyod rab tu byung na su la 'byung / dbang bskur len na gang las len gsungs pas/ bdag rab byung ngam