[A:106b]dbang len pa'i mkhan po dang slob dpon du gyur pa ni chos rje nyid do zhes zhus pas de de bzhin no zhes gsungs te dbugs dbyung / dgung lo re brgyad bzhes pa'i tshe bde ba can du spyan 'dren pa'i lha'i pho nya byung ba ldog re dgu pa'i tshe bde ba can gyi bsngags pa dang / zhing 'di'i mi bsngags pa brjod cing spyan 'dren pa na/ kho bo zhing bzang ngan la bde sdug med/ zhing sbyong ba la dman pa ngos khyad par 'phags/ kho bo la ltos bcas 'ga' 'ang yod gsungs nas ldog de nas bdun cu pa'i tshe cis kyang gshegs zer zhing / bde ba can gyi zhing bkod kyang rje btsun nyid chos rje sa paN drung na yod pas gnyis kas gzigs/ der chos rje la kho bo re zhig bde ba can du 'gro der rgyun mi ring ba zhig bsdad/ de nas gser mdog can du 'khor los bsgyur ba'i cha byad kyis zhing sbyong bar byed/ de nas skye ba gsum pa de la lus ma spangs par phyag chen mchog gi dngos grub thob tu re ba yin gsungs te dag pa'i zhing mchog bde ba can du gshegs so/ /rje btsun de la spyir slob ma'i mchog grags pa'i mtha' can bzhi/ grags pa mi brgyad/ gur rgyan zhu ba po'i slob bu bzhi/ rig 'dzin sdom brtson ldan pa bzhi la sogs pa bsam gyis mi khyab pa byung pa las/ dam chos brgyud 'dzin gyi gtso bo ni bdag nyid chen po sa skya paNDi ta kun dga' rgyal mtshan te/ 'di ni ston pa mya ngan las 'das nas lo sum stong sum brgya