[A:107b]zhes snyan par grags/
dgung lo nyer bdun bzhes pa'i tshe/ kha che pan chen gyis mkhan po/ spyi bo lhas pas slob dpon/ don mo ri pas gsang ston byas te bsnyen par rdzogs te sum cu rtsa lnga'i bar du grags pa'i gsung gi bdud rtsi gsol zhing / khyad par lam zab mo bla ma'i rnal 'byor gyi sgo nas phyi nang gi rten 'brel rang 'grig rtogs pa'i yon tan mchog tu 'khrungs/ so brgyad pa tsam gyi tshe tshad ma'i bstan bcos chen po rigs gter brtsams/ 'di rgya gar 'phags pa'i yul du'ang 'gyur/ lnga bcu rtsa gcig tsam gyi tshe sdom gsum rab dbye bya ba'i bstan bcos chen po 'di brtsams rgya bod kyi glegs bam gcig pu lta bur gyur/ nga dgu pa'i tshe skyid grong gi 'phags pa wa ti'i gtsug lag khang dang 'dab 'byor ba'i dpal gyi gnas su/ 'phrog byed dga' bo la sogs pa'i phyi rol pa'i ston pa drug lung rigs kyis tshar bcad de rgyal ba'i bstan pa la bcug gang gi snyan pa'i grags dkar gyis 'dzam bu gling ma lus pa khyab pas/ re gsum pa'i tshe byang sems kyi sprul pa rgya nag mtha'i rgyal po go dan gyis spyan drangs/ re lnga pa la ling chu rtser phebs/ rgyal pos chos rje pa'i nyams sad pa'i phyir sgyu mas sprul pa'i gtsug lag khang du spyan drangs pa'i tshe/ ting nge 'dzin gyi mthus brtan par bzhugs su gsol te/ byang