[A:108a]
phyogs sprul pa sde'i lha khang zhes phyogs kun tu grags shing deng sang gi bar du yod par 'dug go /bdun cu pa'i bar du rgya nag gi yul du bshad sgrub gnyis kyi sgo nas bstan pa spel/ lcags phag smal po zla ba'i tshes bcu bzhi'i tho rangs zhi bar gshegs pa'i tshul bstan/ sku'i skye ba phyi ma la mkha' la spyod pa'i rig pa 'dzin par gyur/ gnyis pa'i tshe shar phyogs mu mu nir rgyal po nyi ma stobs 'phel gyi sras su 'khrungs te rten de yan chad la sa lam phal cher bgrod/ de nas gsum pa'i tshe mngon par dag pa'i zhing khams su bde bar gshegs pa dri ma med pa'i dpal zhes bya bar sangs rgyas so/ /chos rje de la slob ma'i mchog rtogs pa'i brgyud 'dzin tshogs grub dbon gsum/ man ngag brgyud 'dzin lho dmar rnam gnyis/ bshad pa'i rgyud 'dzin shar nub gung gsum/ sdom phrug bsgres pa dpal bzang gi mtha' can bcu gnyis/ gzhon pa rgyal mtshan gyi mtha' can brgyad/ gzhan yang lo chen bzhi sbas pa'i rnal 'byor chen po bzhi/ mkhas btsun chen po bzhi la sogs pa sam gyis mi khyab pa zhig byon pa'i nang nas gtso bor gyur cing chos 'di'i rgyud pa 'dzin pa ni chos rgyal 'phags pa blo gros rgyal mtshan te/ sangs rgyas mya ngan las 'das nas lo sum stong sum brgya dang drug bcu re dgu pa'i tshe sku bltams/ 'di ni spyan ras gzigs dang gsung gleng mdzad pa'i se ston ri pa bya ba'i sku'i skye ba/ dgung lo