[A:109a]po'i cha lugs 'dzin/ /'di gsum ma rtogs 'phags pa min par go /zhes zur za'i zhu mchid phul/ bstan la 'phel 'grib 'byung bar rgyal bas gsungs/ /sems can bde skyid rang rang las la rag /gang la gang 'dul de la de ston byed/ /'di gsum ma rtogs mkhas pa min par go /zhes sogs kyi bka' mchid stsal/ so bzhi pa la rgyal po'i pho brang du phebs/ de dus dbon chen shAkya bzang pos khri skor bcu gsum bskul te lha khang chen mo'i 'gram bting / zhe gcig pa la slar yang gdan sa chen por phebs/ zhe gsum pa la rgyal po jim gyim gyis sbyin bdag mdzad de gtsang chu mig ring mor chos 'khor chen po mdzad/ zhe drug pa 'brug lo zla ba bcu gnyis pa'i nyer gnyis la bde bar gshegs so/ /bdag nyid chen po 'di la slob ma'i mchog man ngag gi bka' bab/ rgyud kyi bka' bab/ mgon po'i bka' bab/ mnyes pa'i mchod g.yog nus pa'i bdag nyid gnyis/ che ba'i bdag nyid rnam pa drug la sogs pa rab tu mang po zhig yod pa las/ man ngag zab mo'i bka' bab cing rgyud pa 'dzin pa ni zhang ston chen po dkon mchog dpal ba ste/ rje 'di ston pa chos dbyings su zhugs nas lo sum stong sum brgya dang don gsum lon pa'i tshe ra sa mtshal khung du byon/ chos rgyal srong btsan sgam po'i nang blon bo dong bya rgod gshong bzhengs mkhan/ zhang lha bzang klu dpal gyi dbon rgyud du