[A:108b]drug bzhes pa'i tshe chos rje sa paN gyi phyag phyir skyid grong du byon/ bcu pa la gcung phyag na dang bcas chos rje rgya yul du phebs pa'i zhabs phyir thegs/ dbus su chos rje pas mkhan po/ zul phu ba na bza' 'phrad gsol gyis slob dpon bgyis te rab tu byung / bcu gnyis pa la rgya nag rgyal po'i pho brang du phebs/ bcu bdun yan la lung rtogs kyi yon tan phul du phyin par gyur/ de'i tshe chos rje pas bstan pa'i khur chen po nyid la gtad de dag pa'i zhing du gshegs/ bco brgyad pa la chos rje'i dgongs rdzogs legs par bsgrubs/ bcu dgu pa la rgyal po la dgyes pa rdo rje'i smin byed kyi dbang bskur/ ti shrI'i mtshan gsol/ dbang yon du khri skor bcu gsum phul/ de nas bzung bod khams thams cad rje btsun sa skya pas lugs gnyis kyis bskyangs so/ /dgung lo nyer gcig pa la/ snye thang pa grags pa seng ges mkhan po/ las slob jo brtan bsod nams rgyal mtshan/ gsang ste yar lung pa byang chub rgyal mtshan rnams las bsnyen par rdzogs/ so gcig pa la slar dpal ldan sa skyar byon te/ dbus gtsang khams gsum kun chos dang zang zing gi 'byor pas bde ba la bkod/ slar so gsum pa la rgya nag tu phebs/ de'i tshe las tshan bcu gsum gyi bkod pa mdzad nas byon pa la/ bcom ldan ral gris/ sangs rgyas bstan pa bka' phyag sprin gyis sgrib/ /sems can bde skyid mi dpon lag tu shor/ /snyigs dus dge sbyong dpon