[A:131a]chen po gzhon nu rgyal mchog dga' ldan du phebs pa na/ rdo rje theg pa'i myur lam du 'jug 'dod kyi 'dun pas bskul te mus su rje sems dpa' chen po dkon mchog rgyal mtshan bzhugs pa'i drung du gdan btegs/ zhabs pad yun ring du bsten bde kye gsang gsum gtso bor gyur pa'i rgyud man ngag gi zab bcud ngoms par gsol/ dgung lo lnga bcu pa'i tshe yum gshegs te rje sems dpa' chen po la der 'gro bar zhus pas/ phyin nas phan rgyu med/ de bas ma'i don du bde mchog gi bsnyen pa gyis gsungs pas bka'i cod pan spyi bor bcings pas/ 'od gsal du yum 'khor ba nas drangs pa'i mtshan ma brnyes/ gzhan yang yon tan gyi khyad par bdag gzhan gyi bde sdug dngos su brje nus/ bskyed rim la brtan pa thob/ rdzogs rim mngon du gyur pas/ rje mus chen 'khor lo bde mchog tu gsal bar gzigs/ grub chen dkon blo la gur mgon bcu gnyis ma'i rjes gnang gi zab gnad nod pa'i tshe mgon de gur mgon nyid du mngon sum du gzigs shing / de nyid kyis kyang rje 'di kye rdor du gsal bar snang ba sogs rtogs pa'i yon tan dpag tu med/ gzhan don mdzad pa'i tshe yang dge bsnyen/ dge tshul/ dge slong sogs bskrun pa'i grangs ni bgrang ba las 'das shing / phar phyin lam gyi rtsa ba theg chen sems bskyed gsang sngags lam gyi rtsa ba smin byed kyi dbang bskur ba/ grol byed kyi khrid ston pa/ rnam dag rgyud kyi bshad bka' sogs