[A:182a]bzhes/ de'i grwa pa rnams ngo mkhyen pa sogs chung ngu nas byis pa'i spyod pa las 'das/ bslab pa'i gnas dang sgyu rtsal tshegs chung ngus mkhyen/ bla ma 'di dang 'gro mgon phyag na ste sku mched gnyis kas sgo rum gyi nyi zer la na bza' dang 'khor gsum bkal/ kun gyis 'di ni 'phags pa'o zhes bsgrags pas 'phags par grags/ dgung lo gsum pa la sgrub thabs mtsho skyes/ brgyad pa la skyes rabs/ dgu pa la brtag gnyis thugs las gsungs/ tshogs pa thams cad shin tu ngo mtshar/ de ltar na skyes stobs kyi thugs rab ni chos rje las kyang lhag par mkhas pa rnams la grags so/ /bcu pa la chos rje'i phyag phyir gong du byon pa'i mar lam zul phur/ chos rje pas mkhan po/ zul phu ba na bza' 'phrad gsol du grags pa chos dbang bas slob dpon mdzad nas rab tu byung / skyor mo lung pa shes rab seng ge la kA ri kA