[A:30b] kun mthun snang grub pas/ chos skyong rnams dang mi dang mi lab pa bzhin yod par the tshom mi dgos la/ theg chen chos kyi rgyal po kun dga' bkra shis kyang rigs kyi che ba tsam ma yin pa'i lung rtogs kyi yon tan kun gyi mnga' bdag tu gyur pas/ de dus kyi mkhas btsun kun gyi bla mar gyur cing / lhag par chos skyong rnams shin tu 'go ba'i tshul ni dpal sa skya'i dbu rtser bzhugs dus mnal lam du gtsug lag khang gi khyams mthil du gur gyi mgon po'i rnam pa gsal zhing mtshan nyid thams cad yongs su rdzogs pa gcig dang por gzigs/ de nas de res 'ga' phyag drug pa'i rnam pa/ res 'ga' phyag bzhi pa'i rnam pa sogs rnam 'gyur mi 'dra ba mang du ston pa zhig byung ba na/ de gsum ngo bo gcig yin zer ba'i brdar 'dug snyam pa'i nges shes thugs la 'khrungs pa dang / yang lan gcig ngam ring du 'jam dkar la gsung bsnyen mdzad pas/ nyi ma shar tsam na dpal ldan lha