[A:31a] mo 'dod khams ma dpon g.yog gnyis dre'u nag po la chibs nas bar snang la sha ra ra byung ba gzigs pa dang / lha khang bla brang na bzhugs skabs shig kyang dpon po ri'i rtse la shar phyogs nas rgyangs kyis byung ba gzigs pa sogs lan mang du gzigs snang la byung bar rje rang nyid kyis gsungs so zhes bshad la/ yang dbu rtser bzhugs skabs dur khrod bdag po yab yum gnyis mdun na gar stabs ling ling mdzad pa sogs rnam 'gyur khyad par du ma mdzad kyin phebs pa mngon sum du gzigs pa dang / gzhan yang bdag nyid chen po rang gi zhal nas/ skabs shig pu tra 'di ding sang cha lugs 'gyur 'dug gsungs pa sogs mdor na mkha' 'gro chos skyong mi ma yin sogs thams cad bran du 'khol zhing las sgrub pa zhig yin la/ chos kyi rgyal po 'di dgung lo re bzhi pa chu pho 'brug lo la rgya nag ta'i ming rgyal pos ta'i twa bzhin dang a nu dre bo