R258: dpal rdo rje nag po chen po'i zab mo'i chos skor rnams byung ba'i tshul legs par bshad pa bstan srung chos kun gsal ba'i nyin byed/ {bod yig glog rdul dpe cha/}

  • Pagination (Witness A): 38b
[A:38b] bsam yas 'ja' dkar na yod pa la/ khyed tsho 'dir mgo btum nas sdod dam zer ba'i khung ston pa yang byung ba sogs chos skyong rnams kyis go re len gyi tshul gyis 'phrin las thams cad thogs med du bsgrubs pa dang / thugs dam gyi thun mtshams las sa skya pa'i snyan brgyud kyi man ngag gser chos su grags pa rnams gdul bya so so'i blo dang 'tshams par stsal pas/ 'phags pa'i dbon rgyud slob dpon chen po blo gros rgyal mtshan pa dang / gsang phu'i gdan sa pa rin chen rnam rgyal/ dbon po rgyal ba mchog dbyangs sogs bstan 'dzin gyi slob ma yang mang du bskrun/ sku gzhon nu'i dus bla ma'i phyag dpe 'bri ba dang bstun gsung ba zin bris btab pa'i yig cha po ti du ma dang / dus phyis brtag gnyis kyi 'bru 'grel/ kun rig gi dkyil chog sogs gsung rab kyang mang po gsar du mdzad/ chos rje bla ma'i drung du gsung ngag gsan dus/ nyams skyon med 'ba' zhig skyes pas thugs nges shes gting nas drongs pa dang / dus phyis mar ngo'i tshes