[A:39a] bcu zhig la chos rje pa'i dus dran gyi sgrub mchod mdzad de/ tho rangs bla ma'i rnal 'byor tshar gnyis sgom pa'i ngang la mnal du song ba na/ chos rje thams cad mkhyen pa nyid sku che zhing mdzes pa zhig byon nas/ 'o 'di yin te zhes pa la sogs pa'i gsung byon pas/ dngos su mjal ba las brgya 'gyur du lhag pa'i dag snang dang / mnal sad pa na'ang dad gus kyi yus kyi snang byin rlabs kyi zi langs pa'i rkyen gyis bde gsal mi rtog pa'i ting nge 'dzin sngar las lhag pa zhig 'khrungs te/ phyis kyang thugs nyams su yang nas yang du myong ba lags skad/ mthar yi dam gyi lha la dngos su gnang ba thob pa lho brag las kyi rdo rjes sku tshe 'di nyid kyi 'og rol tu 'jig rten gyi khams bde ba can du skye ba bzhes par lung bstan pa bzhin du dben gnas bsam gtan gling du sku 'da' khar yang / snang ba mtha' yas kyi nyal 'pho dang / bde ba can gyi smon lam kho na mdzad de/